Wisata Pas Rame Kue Ora Penak Blas

EsaiNgapak

Hallo jamaah Tigongdoso.com yang masih setia mantengin web ini, senajan ora penting – penting amat yah nggo uripmu hehe. Esih anget ya slur kepie kondisi wisata pas badan wingi, halah lah kaya padang masyar kabeh yah. Kabeh wong pada tumplek blek dadi siji nang nggon plesir. Rika kabeh mesti wis ngerti lah kaya ngapa ramene Ancol, TMII, Pantai Batukaras Pangandaran lan ora baen – baen pantai Menganti sing edek mbe umah e Mas Direktur ya ramene ora umum.

Mbuh wisatawan sekang kuta sing rela nrobos penyekatan demi mudik, mbuh wisatawan lokal kabeh tumplek blek dadi siji. Pancen wis dadi budaya nek badan pancen wayah e plesir, mungkin daripada badan silaturahmi ditakoni bae nang sedulure kaya intrograsi mending plesir nggo nyegerna pikir. Pancen ora ana sing salah, kabeh ya berhak plesir, mbuh sing due duit apa duit gole utang kabeh ya berhak. Tapine ya kue, kondisi lagi ora maen slur, mbokan – mbokan kedadean sing ora – ora.

Nyong si ora garek mbandingna kasus Indo karo India. India kasus covid dadi akeh merga ana acara keagamaan sing ndadekna kerumuman masal nang kali Gangga. Nggon wisatawan nang Indo secara gambar ya meh pada karo gambar nang Kali Ganga wayah semono. Tapi nyong ya ora meh bandingna, sebane apa? Wong Indonesia kue sakti – sakti slur. Wong Indonesia kue ora wedi covid, wong Indonesia kue wedine nek ora due duit. Jajal bae nek corona sing butuh rawat lan rujuk nang rumah sakit nganggo duite dewek mesti pada taat prokes kue warga negarane dewek slur.

Janjane nek rika pengin wisata sing nyamam kue maene malah sing sepi. Soale nek sepi kue rika bisa nganggo labeh wahana wisata dengan nyaman, rika ya bisa menikmati indahnya nggon wisata ora keganggu karo pengunjung liane. Ora percaya? Jajal bae rika mesti sering krungu lah wong – wong sugih sing nyewa nggon wisata nggo awake dewek utawane nggo keluargane dewek. Istilah e ya privat lah, nah kue kabeh layanan ya nggo awak e dewek, soale apa? Ya kenyamanan, wisata sing nyaman justru sing sepi.

Selain kenyamanan ya keamanan, mbuh kue nang nggon wisatane utawa akses meng nggon wisata. Sering kan, ana kejadian kriminal sing melibatkan pengunjung wisata, semakin rame semakin gampang nggo gawe tindak kejahatan. Secara akses nggon wisatane dewek pancen unik – unik, iya ora? Dalan meng nggon wisata mesti medan e ekstrem, soale nggon wisata ya sering – sering e nggon sing esih perawan alias durung terjamah. Nggon sing kaya kie mesti akses e angel, pelosok, dalan e ora penak lan sak piturut e. Wis sering weruh mbok, dalan nggon wisata kaya jalur mudik, macet e ora umum. Nah, maka dari itu nalikane zaman sepi, dalan juga penak diambah nggo meng daerah wisata. Masa wis dalan e elek, medan e medeni, macet sisan apa ora stor nyawa kue? Wkwkwkkwkwkw.

Zaman nyong esih kuliah, pas zaman esih golet sega gratisan, nyong tau lah melu sidang terbuka S3 Pariwisata nang UGM. Jere pengujine, wisata sing apik ya kue sing pengunjung e proposional tapi duit e maksimal. Artine semua wisatawan nyaman karo nggon wisata e, akses e penak lan kabeh fasilitas e kanggo lan wahanane bisa maksimal layanan e. Maklum bae lur, demi PAD sekang sektor sing gede, pengelola gelem jor – joran nampa pengunjung ora peduli karo kenyamanan lan keamanan e pengunjung.

Nah kue sit slur, intine mah ati – ati bae rika – rika sing pada plesir. Sing pada bisa njaga kesehatan lan keselamatan awake dewek. Njur aja terlena, eling lur covid esih ana, mbeke bae bapake kancaku kudu dirawat nang umah sakit merga covid. Aja klalen pantengi web kie bae Insyaallah rika – rika ulih opini sing ora an faedah e wkwkkwkwkwkw.

Image Search: korporat.ancol.com