Sejarah RT, Ben Ora Digawe Sepele

Ngapak



Keprie Kabare jamaah, telungpuluh? Sehat kabeh mbok hahahaha. Iya nyong wis sue kie yah ora nulis-nulis ora nggenah nang web kie, iya ngapurane bae lur wingi nyong bar menyelesaikan tugasku sebagai pelajar, ya senajan tampang ndesa kaya kie nyong ya tau sekolah hehe.

Dadi kaya kie lur, wingi nyong bar ketemu Pak RT kie, anu nyong bar lulus gole sekolah kepingin kerja, nah meng Pak RT nyong arep nggawa SKCK. Senajan urung ulih informasi gawean ya gawe SKCK ndisit mbok ana lowongan ujug – ujug hehehehe. Nah nang babagan kie, nyong arep setitik cerita sejarah e RT. Iya lur Rukun Tetangga (RT) ben nang rika kabeh ora digawe sepele. 

Jebule lur, sistem RT kue diterapna nang Angkatan Darat penjajahan Jepang pas njajah Indonesia lur. Nah kue sing bocah – bocah lanang sing pada seneng film Jepang, ya mbuh film sing kaya ngapa, apa Naruto apa One Piece hehehehe. Pas tanggal 4 Januari 1944 Angkatan Darat Jepang ngenalna sistem pemerintahan anyar, sing monine Tonarigumi (Rukun Tetangga, RT) dan Azzazyokai (Rukun Kampung, RK/sekarang RW). Pas zaman Jepang Pak RT parabane Kumico, lah Pak RW parabane Asacho. 

Zaman pemerintahan Jepang sing fasis ndadekna kabeh gerak gerik masyarakat kudu di awasi. Dadine dibentuk Tonarigumi pas zaman mbien nggo mengawasi penduduk Indonesia. Fungsi liane Tonarigumi ya kue nggo kontrol masyakarat, ya kue ana apa ora gerak – gerik masyarakat Indonesia sing membahayakan posisi Jepang, pengawasan pejuang kemerdekaan, aktivitas masyarakat dan hal – hal sing perlu di awasi. konsolidasi masyarakat, ya kue kaya dene pas ana kebakaran, apa bencana rakyat RT digerakkan nggo antisipasi, bahkan pas zaman semono nggo pasukan cadangan. karo penyampaian informasi Tonarigumi rapat 35 hari pisan nggo menerima informasi kan pemerintah pusat, dadi informasi dan kebijakan bisa dilaksanakan ngantek masyarakat ngisor. 

Baca Juga: 


Pemerintahan RT tekan siki tesih due fungsi sing penting lur, jajal Nek RT pengawasan aktivitas masyarakat ora beres mesti akeh aktivitas masyarakat sing melanggar nilai dan norma masyarakat. Pembangunan lingkungan ya Urip apa orane tergantung RT, keamanan lingkungan ya keprie RT ne, bahkan karo tangga e ora wawuh be dadi perkara RT. Jajal nek se-RT ora wawuh, ora akur, visi ne Prabowo sing Indonesia Adil Makmur, apa visi ne Jokowi Indonesia maju ora bakal keleksanan.

Nah tapi sayange lur, RT biasane mung ngurusi bagian administrasi kaya surat pengantar lah apa surat keterangan. Padahal RT due fungsi penting nggo kemajuan dan kesejahteraan lingkungan. Bahkan wong ditunjuk dadi RT be pada angel ora ana sing gelem. Iya lah wong gaji RT paling ya mung pira, tapi Nek dadi RT mesti tombok, arep ana acara ya butuh konsumsi, nerima tamu ya gawe wedang, bahkan nek wargane nangapa – ngapa ya sambat aring RT ne iya mbok ?

Nah mulane lur, Kabeh profesi kue kudu di hargain, aja di gawe sepele apa mening pejabat RT, sing jebule due fungsi penting nggo masyarakat.