Pentinge Paguyuban Daerah Nang Mangsa Corona

EsaiNgapak

Mangsa wabah Corona kaya kue gawe wong sing nang perantauan, khusus e kaum ngapak ora bisa balik. Himbauan nek ora ulih balik, utawa mending ora balik disampekna nang pemerintah pusat bahkan ngantek pemerintah daerah kaya gubernur Jawa Tengah lan Bupati nang Provinsi Jawa Tengah. Nanging akeh wong sing milih mudik, amarga gawean wis langka tur duit juga langka akhire balik termasuk pas bulan Maret pas Corona urung ramen banget kaya bulan siki.

baca juga: Menyemai Mimpi di Kapuas Hulu

Kanggo wong sing due penghasilan tetap, tur gawean utawa bisnis e esih bisa mlaku si ora masalah. Senajan ora serame pas urung ana Corona, saorane esih bisa nggo bertahan urip nang perantuan. Biasane wong sing gaweane esih mlaku, esih ulih duit najan ora patia akeh, dekne esih bertahan nang perantauan nggugu himbauan pemerintah ben ora mudik. Tapi ora akeh sing keadaan karo rezekine ora kaya kue, kebanyakan perantauan sekang Jawa khusus e wong ngapak kerja nang sektor informal. Sektor informal kie pancen ora sebagus pegawai nang sektor formal, dadi kerjane ya sedia kerja nggo manngan sedina. Pas Corona tekang meng Indonesia, ya sing paling terdampak pertama ya sing kerjane nonformal. Akeh pegawai sing dirumahna, bahkan kena PHK dadi ya gelem ora gelem kudu mudik.

baca juga: Ketika Bisnis Lebih Ganas daripada Virus Corona

Janjane para perantau sing terpaksa mudik ya pengin bisa nggugu himbauan pemerintah, tapi ya kondisi ora bisa mangan akhir e ya terpaksa mudik, Senajan prosedur e angel tur mbahayani dewek lan keluargane. Mudik bisa dadi hemat biaya konsumsi, tur bisa lewih produktif nang desa walapun ora sebagus nang kota. Seorane, perantauan bisa ayem ngadepi pandemi corona kie karo wong tua sakdulure, wong tua juga ora khawatir karo keselamatan e anak putune nang perantauan. Supaya perantuan bisa tetep Nang kota ora khawatir, perlu ana jaminan urip, seorane sekang pemerintah daerah asal.

baca juga: Saat Pramuka Dibuli di Medsos

Hal kaya kie sing di gatekna nang Gubernur Jawa Tengah. Pak Ganjar aweh intruksi meng Bupati, men ngumumna “bagi warga perantuan asal Jawa Tengah, sing KTP e Jawa Tengah, sing berdomisili nang Jabodetabek lan Jawa Barat, kon ngirim foto KTP meng nomer sing di tentukna nggo ulih bantuan pas mangsa PSBB”. Informasi kie disampaikan Nang Bupati Banyumas Ir. Achmad Husein lewat vidio sing di upload nang akun Twitter @PWT_kotasatria. Mengko nek wis pada ngirim foto KTP, arep di data nggo ulih bantuan sing sumber e ngko kerjasama Pemerintah Jawa Tengah, Jawa Barat, DKI Jakarta karo pemerintah terkait.

Kaya kie pancen bagus, perantauan sing ora mudik, tur ora due penghasilan merga kebijakan PSBB esih bisa terjamin urip e. Kebijakan kaya kie juga bisa meminimalisir jumlah pemudik amarga PHK efek sekang Corona. Nek kebijakan kaya kie optimal, insyaallah bisa mbantu nggo mengurangi persebaran virus lan mbantu memotong mata rantai persebaran virus. Nggo ndukung men pendataan warga perantuan sing ora balik kue kepenak, tentu butuh wadah sing jenenge Paguyuban.

baca juga: Ketika “Scabies” Datang Menyerang

Sesuai karo apa sing di sampekna nang Bupati Banyumas, ben paguyuban bisa ngrewangi program kue. Paguyuban bisa melu mendata sapa bae warga perantuan sing ora mudik tur butuh dinei bantuan. Nek saben paguyuban bisa jalan, aweh data sing akurat, maka program kue bisa berjalan, lan hasil e juga bisa berdampak akeh. Warga perantuan sing duit e minim esih bisa terjamin urip e, tur bisa mengurangi angka pemudik sehingga program PSBB bisa sukses. Dampak sing lewih gede bisa mbantu minimalisir persebaran lan mutus mata rantai persebaran virus Corona.

baca juga: Kebaikan Orang Watukelir di Bandung

Paguyuban – paguyuban sing terbentuk nang tanah rantau, sing mewadahi warga ngapak kue akeh banget. Garep saben daerah ngapak due paguyuban nang tanah rantau, mulai tingkat desa bahkan ngantek tingkat kabupaten malah ana sing mungkin se barlimascakep. Fungsi wadah kie janjane ya nggo nyambung silaturahmi, nggo njaga perseduluran lan nggo ganti fungsine keluarga nang perantuan. Pas ana wabah kaya kie, kekuatan paguyuban diuji banget, dadi keton banget fungsi kekeluargaan e paguyuban nang mangsa sing kaya kie. Dadi paguyuban bisa mbantu akeh, najan mung awalan ngopeni anggotane ben aja mudik, nangin dampak e luar biasa. Seliane kue paguyuban uga bisa bergerak lewih amba nang kegiatan sosial terkait pencegahan Corona kaya organisasi liane. Tapi ya tetep prioritas utama kprie bisa ngopeni anggotane, makane saranku wong sing merantau ya melua paguyuban seorane ulih dulur sekang paguyuban lewih – lewih pas mangsa ora bisa mudik kaya kie.